- Tíðindi, mentan og ítróttur
Borðfæ og kostnaðarendurgjald upp í lønina
<p>Kaj Leo Holm Johannesen, løgmaður, heldur, at tað er alneyðugt at endurskoða lønar- og setanarviðurskiftini hjá landsstýrisfólkum, tí tey eru skeiklað.</p><div><br></div><div>Tað segði hann í einum svari til Kristinu Háfoss, løgtingskvinnu fyri Tjóðveldi, í tinginum í gjár.</div><div><br></div><div>Løgmaður sigur, at lønin hjá landsstýrisfólkum er lutfalsliga lág, samanborið við lønarlagið í samfelagnum. Hinvegin hava landsstýrisfólk góð pensjónsviðurskifti og skattafrí ískoyti til borðfæ. Harafturat kemur kostnaðarendurgjaldið til ferðing, sum er lutfalsliga høgt.</div><div><br></div><div><b>Lægri nettoløn</b></div><div><br></div><div>Kaj Leo Holm Johannesen sigur, at ein loysn kundi verið, at borðfæið og kostnaðarendurgjaldið verða tikin upp í lønina og harvið verða skattskyldug. Tað hevði havt við sær eina hægri bruttoløn, men landsstýrisfólkini høvdu íalt fingið eina lægri nettoløn.</div><div><br></div><div>Løgmaður upplýsti, at ein óheft nevnd er sett at gera tilmæli um lønarviðurskifti hjá landsstýrinum. Nevndin verður eftir ætlan liðug um ársskiftið, og tá verður tilmælið lagt fyri tingið. </div>