Í Playlistanum verður nýggjur føroyskur og útlendskur tónleikur settur í umferð og presenteraður. Kringvarpið hevur eitt tónleikaráð, sum er mannað við fólki, sum antin eru serliga tónleikaáhugað ella hava serligar tónleikaførleikar. Hvørja viku lurta tey eftir og meta um, hvørjir sangir eiga at verða settir í umferð.

Limirnir í tónleikaráðnum hittast hvørja viku at taka støðu til nýggjan tónleik, sum er í uppskoti at fara í umferð. Uppskotini koma frá limum í tónleikaráðnum, tónleikaáhugaðum og tónleikarum.

Í 2006 vórðu fyrstu tøkini tikin at skipa tónleikin í útvarpinum eftir fleiri krøvum. Talan var og er um tónleik, sum verður spældur í teimum breiðu sendingunum og ímillum sendingar. Ein høvuðsorsøk til átakið var, at útvarpið mangan hoyrdi fyri, at ov lítið var spælt av føroyskum tónleiki.

Av tí at vertirnir sjálvir valdu tónleikin um hetta mundið, var mongdin av føroyskum tónleiki, og tónleiki í ymsu sjangrunum yvirhøvur, rættiliga tilvildarlig. Í dag verður miðað eftir, at føroyski tónleikurin í sendiflatuni skal vera umleið 20 prosent.

Slag av sending: Tónleikur

Málbólkur: Fólk við áhuga fyri nýggjum tónleiki

Sendilongd: 57 minuttir

Vertir: Rúni Jákupsson og Fróði Løkságarð

Redaktørar:
Rúni Jákupsson, runi@kringvarp.fo
og Fróði Løkságarð, flg@kringvarp.fo