Kringvarp RSS

Hetta heilaga Evangeliið skrivar

Sat, 04 Feb 2012 19:05:47 Z

Hoyr sendingina her

Ítróttartíðindini 04. febr. 2012

Sat, 04 Feb 2012 18:56:00 Z

Hoyri ítróttartíðindini her

Fakfelagssamstarvið í upploysn

Sat, 04 Feb 2012 18:23:58 Z

Almenna fakfelagssamstarvið, sum skuldi verða sterki parturin mótvegis almenna arbeiðsgevaranum í Fíggjarmálaráðnum, er spakuliga við at syndrast.

Nevndin í Lærarafelagnum hevur sent skriv til Fakfelagssamstarvið, har felagið ger vart við nøkur sjónarmið, og tað ljóðar fyri vist, at Lærarafelagið í skrivinum takkar fyri seg.

Herálvur Jacobsen, formaður í Lærarafelagnum, vil ikki vátta, at Lærarafelagið hevur tikið seg úr almenna fakfelagssamstarvinum. Men hann váttar, at Lærarafelagið hevur sent fakfelagssamstarvinum eitt skriv, har gjørt verður vart við ymiskt.

Fimm feløg mannaðu upprunaliga fakfelagssamstarvið, men Felagið Føroyskir Sjúkrarøktarfrøðingar tók seg úr almenna fakfelagssamstarvinum í fjørsummar.

Tey fýra feløgini; Føroya Lærarafelag, Starvsmannafelagið, Føroya Pedagogfelag, og Havnar Arbeiðskvinnufelag fóru til samráðingar saman, men úrslitið varð so sum so.

Lærarafelagið fekk ein tvey-ára sáttmála, tað sama fekk Havnar Arbeiðskvinnufelag, meðan Starvsmannafelagið longdi sín sáttmála við Fíggjarmálaráðið eitt ár, tí felagið sum meginregla ikki vildi góðtaka, at skattapolitikkur og lønarsamráðingar verða tengd saman. Pedagogfelagið gjørdi bart og fór í verkfall.

Formaðurin í Lærarafelagnum vísir á, at samráðingarúrslitið sigur seg sjálvt, tí lærarar hava tvey ára sáttmála, og starvsmenn hava ein árs-sáttmála.

- I samráðingarhøpi er samstarvið í upploysn, sigur Herálvur Jacobsen, formaður í Lærarafelagnum.

Hann vísir tó á, at feløgini kanska í øðrum sambandi kunnu samstarva, men ikki í lønarsamráðingum og serkrøvum.

Meira inntøku í januar

Sat, 04 Feb 2012 14:00:00 Z

Samlaðu inntøkurnar hjá landinum hækkaðu 10 milliónir krónur í januar í ár í mun til sama mánað í fjør. Tað vísa tøl hjá Taks.

Fyri tveimum árum síðani vórðu samlaðu inntøkurnar í januar 201 milliónir krónur, í fjør komu 207 milliónir krónur í kassan, og í ár eru samlaðu inntøkurnar í januar skrásettar til 217 milliónir krónur. Inntøkuhækkingin er 4,8 prosent.

Tølini hjá Taks vísa, at serliga innflutningurin er nógv vaksin, og landskassin fekk 25 milliónir krónur meira inn í januar 2012 samanborið við januar í fjør. Í januar í fjør fekk landskassin 34 milliónir í mvg og øðrum brúkaragjøldum, í ár 59 milliónir krónur.

Jørgen Niclasen, landsstýrismaður í fíggjarmálum, er sannførdur um, at skattalættin hevur havt við sær, at fólk eru meira bjartskygd.

Tvørfloyta

Sat, 04 Feb 2012 10:35:18 Z

Í kommunuskúlanum í Havn, hava tey tað ið kallast 'Litir í leiki', har børn í b flokkunum, kunnu spæla á eitt ljóðføri. Øll vika 5 í 2012 hevur havt hetta sum evni. Vit hava hitt øll ljóðførini, uttan eitt, nemliga gittarin.

Morgunlestur leygardagur 4. februar 2012

Sat, 04 Feb 2012 10:21:48 Z

Hoyr lesturin her

Veðrið 03. feb.

Fri, 03 Feb 2012 18:16:21 Z

MBM roynir aftur at sleppa á íslendska marknaðin

Fri, 03 Feb 2012 16:45:51 Z

Mjólkarvirki Búnaðarmanna fer nú aftur at gera eina roynd at sleppa á íslendska marknaðin við sínum vørum.

Á fundinum millum Kaj Leo Holm Johannesen, løgmann, og Øssur Skarpheðinsson, uttanríkisráðharra, í Reykjavík í gjár, fekk løgmaður at vita, at føroyski landbúnaðurin longu í ár fær fulla atgongd á íslendska marknaðin.

Hóast Hoyvíkssáttmálin varð undirskrivaður í 2005, og endamálið var, at Føroyar og Ísland skuldu verða ein marknaður, hava føroyskar landbúnaðarvørur framvegis ikki fingið atgongd til marknaðin.

Meðan Ísland útflytir eini 800 tons av lambskjøti til Føroya um árið, er føroyski útflutningurin til Íslands at kalla eingin.

Eisini Mjólkarvirki Búnaðarmanna hevur roynt at sleppa á íslendska marknaðin, men til fánýtis.

Dánjal Thomsen, fíggjarleiðari hjá MBM, sigur við Útvarpið, at hann fegnast um úrslitið av fundinum í Hoyvíksráðnum. Tey fara nú at gera enn eina roynd at sleppa á íslendska marknaðin, sigur hann.

Meiri verður at frætta í útvarpstíðindunum.

Íslendingar vilja ikki sleppa lodnuavmarkingunum

Fri, 03 Feb 2012 16:15:51 Z

Íslendingar vilja framvegis ikki avtaka avmarkingarnar fyri føroysk skip at virka og landa londu til matna.

Tað er greitt eftir fundin millum Kaj Leo Holm Johannesen, løgmann, og íslendska uttanríkisráðharran, Øssur Skarphéðinsson, í Reykjavík í gjár.

Íslendingar hava sett sum treyt, at verður lodnukvotan undir 500.000 tons kunnu tríggir fjórðingar av tí, sum føroysk skip fiska í íslendskum sjógvi, virkast til matna. Men eftir 15. februar kann í mesta lagi ein triðingur av veiðini virkast til matna.

Føroyska sjónarmiðið er, at slíkar avmarkingar stríða ímóti altjóða reglum um handil og Hoyvíkssáttmálanum.

Hóast einki spurdist burtur úr samráðingunum í Reykjavík sleppa føroyingar tó ikki málinum, sum verður tikið uppaftur, tá landsstýrismaðurin í fiskivinnumálum og íslendski fiskimálaráðharrin í næstum hittast til árligu samráðingarnar um fiskirættindi.

Hinvegin segði Øssur Skarphéðinsson seg vilja arbeiða fyri eini loysn, so føroyskar landbúnaðarvørur sleppa á íslendska marknaðin.

Føroyar og Ísland hava gjørt eina avtalu um at styrkja samstarvið millum báðar uttanríkistænasturnar. Eftir ætlan skulu føroysk embætisfólk fáa høvi at fylgja við samráðingunum hjá Íslandi við ES um limaskap, eitt nú tá ið fiskivinnuøkið verður viðgjørt.

Kaj Leo Holm Johannesen, løgmaður, segði við Útvarpið á middegi, at innlitið í íslendsku ES-samráðingarnar skal brúkast í føroysku royndunum at fáa betri atgongd til ES, fyrst og fremst á fiskivinnuøkinum.

Landið rindar ikki meiri til Leirvíkarvegin

Fri, 03 Feb 2012 15:47:37 Z

Tað merkir, at hvør einasti ruskbilur úr Norðoyggjum má koyra alla Leirvíkar bygd á tamb. Eysturkommuna vil sleppa undan slíkari koyring ígjøgnum bygdina, men landið er ikki sinnað at gjalda fyri annan veg. Sí innslag í Degi og Viku

Hava ikki orku til at kanna partabrøv

Fri, 03 Feb 2012 15:27:36 Z

- Kanningin er ikki byrjað enn, tí vit hava havt so nógv annað at gjørt.

Tað sigur Johan Dahl, landsstýrismaður í vinnumálum, um kanningina, sum landsstýrið gav honum loyvi til at gera, fyri at vita, um landið eigur at keypa aftur øll einskildu partabrøvini í Atlantic Airways.

Johan Dahl veit ikki at siga, nær kanningin byrjar.

- Tað verður, tá vit hava starvsorku til tað, sigur landsstýrismaðurin við Útvarpið.

Tað fór ikki stillisliga aftur við borðinum, tá Johan Dahl á veljarafundi í Vági hálvan oktober í fjør kunngjørdi, at landsstýrið hevði samtykt at keypa aftur einskilda partin av Atlantic Airways.

Aftaná kom fram, at landsstýrið tann 20.september gav Johan Dahl loyvi til at kanna, hvussu landið kann keypa einskildu partabrøvini aftur. Eingin avgerð varð tikin um keypið.

Eftirløn hjá landsstýrisfólkum tyngir landskassan

Fri, 03 Feb 2012 15:13:57 Z

Nógv bestu eftirlønarskipanina hava løgtingsformaðurin, løgmaður og landsstýrisfólkini. Tey forvinna eftirløn tvær ferðir so skjótt sum tingfólk, og fýra og eina hálva ferð skjótari enn tænastumenn. Hoyr innslag í útvarpstíðindunum.

Helgi spyr um Skálafjørð sum hvalvág

Fri, 03 Feb 2012 14:43:00 Z

Helgi Abrahamsen, løgtingsmaður fyri Sambandsflokkin, vil hava at vita, um somu umhvørviskrøv verða sett nýggjum og gomlum hvalvágum, ella um landsstýrið hevur nakra ætlan um at broyta krøvini, soleiðis at tey verða tey somu fyri øll.

Á tingfundinum mikudagin fer Helgi Abrahamsen at seta Jákupi Mikkelsen, landsstýrismanni, ein munnligan fyrispurning um Skálafjørð sum hvalvág

Í viðmerkingunum til fyrispurningin vísir løgtingsmaðurin á, at í langa tíð hevur verið arbeitt við at fáa Skálafjørð góðkendan sum hvalvág, men at fyribils verður góðkenning ikki givin, fyrr enn kloakkirnar í bygdini eru umlagdar.

- At krøv verða sett til kloakkviðurskiftini, er væl skiljandi, men tað sum kann undra viðvíkjandi øllum umhvørviskrøvum her á landi, er, at somu krøv verða ikki sett øllum, sigur Helgi Abrahamsen.

Sum dømi nevnir hann, at strong umhvørviskrøv verða sett nýggjum fyritøkum og virkjum, sum verða sett á stovn, men fyritøkur og virki, sum vóru til, áðrenn umhvørvislógin varð sett í gildi, eru leys av somu treytum.

400 næmingar hava serligan tørv

Fri, 03 Feb 2012 14:15:15 Z

400 næmingar, ella 5,6 prosent av øllum næmingunum í fólkaskúlanum, eru hetta skúlaárið kannaðir og mettir at hava serligan tørv.

Og nógv bendir á, at enn fleiri næmingar hava tørv á serligum skúlatilboðum, sigur stjóri á Sernámi, Emmy Joensen, við Skúlablaðið.

Sambært fólkaskúlalógini skulu hesir næmingar rúmast í vanliga fólkaskúlanum, har teir skulu fáa undirvísing, sum hóskar til tørvin. Sum er fáa skúlarnir tillutað 33 lærarstørv til næmingar við serligum tørvi

Men Sernám brúkar tað, sum svarar til 50 lærararstørv til næmingar við serligum tørvi. Harafturat koma 37 stuðulsstørv, sum lærarar, pedagogar og onnur røkja í fólkaskúlanum.

Í teimum 400, sum eru skrásett at hava serligan tørv, eru næmingarnir á Skúlanum á Trøðni ikki íroknaðir, heldur ikki teir næmingar, sum fáa serundirvísing.

Myndin er tilvildarlig

Foreldur í Klaksvík fáa ansingargjald afturgoldið

Fri, 03 Feb 2012 13:57:29 Z

Foreldur í Klaksvíkar kommunu sleppa undan gjaldinum til barnaansing, nú námsfrøðingar og hjálparfólk eru í verkfalli. Men um tey sleppa undan øllum gjaldinum er ikki greitt.

Býráðið í Klaksvík fer at góðskriva foreldragjaldið fyri tíðina, verkfallið varar, kunnger kommunan á heimasíðuni.

Sambært lógini um barnaansing rinda foreldrini 30 prosent av tí, sum tað kostar at reka stovnarnar, tað er millum annað 30 prosent av lønunum.

Pengarnir, sum verða spardir, tí tey, sum eru í verkfalli ikki fáa løn, koma bæði kommununi og foreldrinum til góðar í sama lutfalli, sum tey gjalda raksturin.

Hetta merkir, sambært heimasíðuni hjá Klaksvíkar kommunu, at sparingar í rakstrarútreiðslunum eiga at koma báðum pørtum, kommununi og foreldrunum, til góðar í sama lutfalli, sum tær verða goldnar.

Um hetta skal skiljast soleiðis, at foreldrini bara fáa 30 prosent aftur, veit býráðið ikki enn. Gunvá við Keldu, borgarstjóri, sigur, at tey fara nú kanna, hvussu nógv foreldrini fáa aftur. Sum skilst kann tað verða alt úr 30 upp í 100 prosent.

Men einki er avgjørt um tað, sigur borgarstjórin.

Norðlýsið hevur spurt Brúkaraumboðið, sum sigur, at kommunan kann einki krevja frá foreldrunum, meðan verkfallið er og børnini ikki verða ansað.

Ov fáar skapandi lærugreinir í skúlanum

Fri, 03 Feb 2012 13:32:28 Z

Oddfríður Marni Rasmussen, lærari og formaður í Listafólkasambandi Føroya, heldur, at tað hevur stóran týdning at stimbra skapandi evnini hjá næmingunum. Sí innslag í Degi og Viku.

Vit fáa innlit í íslendsku ES-samráðingarnar

Fri, 03 Feb 2012 13:13:39 Z

Løgmaður hevur verið á fund í Hoyvíksráðnum, sum er formligi samstarvspallurin undir Hoyvikssáttmálanum. Fundurin var í Reykjavík, og Øssur Skarphéðinsson, uttanríkisráðharri, var vertur. Hoyr innslag í útvarpstíðindunum.

73 ár - og aftur komin við "slagara"

Fri, 03 Feb 2012 11:57:10 Z

Nikolina av Kamarinum ger framvegis tónleik saman við beiggjanum, Eyðbirni, og Jákup Zachariassen er sinnaður at gera fløgu við Teimum av Kamarinum

Foreldur eiga at fáa pening at ansa børnum

Fri, 03 Feb 2012 11:51:26 Z

Bjarni Djurholm, løgtingsmaður fyri Fólkaflokkin, mælir nú landsstýrinum til at fyrireika lógarbroytingar, so foreldur fáa pening til at ansa egnum børnum við hús.

Bjarni Djurholm vísir á, at arbeiðssteðgurin hjá pedagogunum er í fullum samsvari við verkfalsrætindini, men foreldur eru í trongstøðu, og kommunurnar hava lítlan møguleika at veita eina hjálpandi hond, uttan kanska at steðga ansingargjaldinum.

Í samgonguskjalinum stendur, at “Fyri at foreldur betur kunnu leingja barnsburðarfarloyvi, eigur at verða heimilað kommununum at rinda partar av stovnsplássi til foreldrini, velja tey at ansa egnum barni/børnum heima”.

Bjarni Djurholm sigur, at fremur samgongan henda setning, fáa kommunurnar heimild at gjalda foreldrunum sín part av barnaansingini. Tað fer at gera ansingina smidligari, og foreldur fáa veruligar valmøguleikar. Tey kunnu velja at ansa egnum børnum, ella at lata kommunalu ansingini uppgávuna, sigur hann.

Bjarni Djurholm sigur, at landsstýrið eigur tí, skjótast til ber, at fyrireika lógarbroytingar, sum eru í samsvari við samgonguskjalið.

Tá lívið gerst ov tungt

Fri, 03 Feb 2012 11:35:23 Z

Hetta talið er lægri enn í okkara grannalondum, men fyri hvørt menniskjað, sum tekur hesa avgerð, sita familja, vinir og onnur avvarðandi eftir. Her er søgan um nakrar føroyingar, sum hava upplivað eitt sjálvmorð heilt inn at lívinum. Sendingin hittir eina móðir, ein maka, tvey systkin og ein, sum yvirlivdi eina sjálvmorðsroynd.

Lagt til rættis: Heini í Skorini.

Væntar nógv færri inntøkur frá pensjónsgjaldinum

Fri, 03 Feb 2012 11:31:27 Z

Hevur løgtingið fingið rættar upplýsingar um skattainntøkurnar frá pensjónunum, sum nú verða skattaðar við inngjald?

Kristina Háfoss, løgtingskvinna, vil hava landsstýrismannin í fíggjarmálum, Jørgen Niclasen, at svara hesum spurningi. Løgtingskvinnan vísir á, at verða skattainntøkurnar frá pensjónunum í januar framskrivaðar, fær landskassin umleið 145 milliónir krónur í inntøku í ár.

Men sambært metingini hjá landsstýrismanninum í fíggjarmálum, sum eisini sæst í fíggjarlógini, geva inntøkurnar til landskassan, nú pensjónin verður skattað frammanundan, 220 milliónir krónur.

Metta upphæddin í fíggjarlógini er sostatt góðar 75 milliónir krónur hægri enn upphæddin, verður samanborið við framskrivaðu skattainntøkuna frá pensjónsinngjaldinum, sambært tølunum frá Taks í januar.

Kristina Háfoss spyr eisini Jørgen Niclasen, hví roknað verður við 550 milliónum krónum pensjónsinngjaldi umarið, tá framskrivaðu pensjónsinngjøldini í januar bæði fyri føroyskar og útlendskar skipanir vísa 377 milliónir krónur.

Munnligir fyrispurningar eru á skránni á tingfundinum mikudagin, og tá fer Jørgen Niclasen, landsstýrismaður, væntandi at svara fyrispurninginum.

Prísirnir skulu lækka

Fri, 03 Feb 2012 11:12:15 Z

Javnaðarflokkurin hevur lagt uppskot fyri tingið um at áleggja landsstýrismanninum í vinnumálum at seta kanning í verk, sum skal koma við ítøkiligum politiskum tiltøkum, sum kunnu lækka prísstigið í landinum.

Javnaðarflokkurin sigur, at tað er staðfest, at prísirnir í Føroyum eru alt ov høgir. Orsøkirnar kunnu vera fleiri, eitt nú eintáttaður innflutningur, flutningskostnaður, avgjøld, vantandi kapping o.s.fr.

Ein kanning, sum Heri á Rógvi hevur gjørt, vísir, at Føroyar eru heimsins dýrasta land at búgva í, og hetta ger, at serliga lág- og miðalinntøkurbólkarnir í mongum førum hava ilt við at fáa endarnar at røkka saman.

Og fleiri prís- og avgjaldshækkingar eru á veg, eitt nú hjá SEV, Heilsutrygd og ALS, sigur Javnaðarflokkurin, sum heldur tað vera neyðugt at seta tiltøk í verk, ið m.a. skulu fyribyrgja fólkaflyting og eggja fólki at flyta til Føroya.

Flokkurin mælir til, at kanningin verður fíggjað peningi, sum verður spardur sambært broytingini í lóg um samsýning og eftirløn hjá landsstýrisfólkum.

Uppskotið kemur til fyrstu viðgerð í tinginum í næstu viku.

Útsýni

Fri, 03 Feb 2012 11:04:50 Z

Hetta eru evnini í sendingini.

HB skal reisa seg aftur

Fri, 03 Feb 2012 11:02:13 Z

Hægri løn og betri fyrireikingartíð

Fri, 03 Feb 2012 10:52:32 Z

Námsfrøðingarnir krevja hægri løn, størri virðing og ein tíma um dagin til fyrireiking. Høvuðsstøðin hjá pedagogunum í Havn er í Sjónleikarhúsinum, og har verður alt arbeiðið skipað. Í gjáramorgunin vóru fleiri námsfrøðingar uttan fyri hølini hjá kommunalu arbeiðsgevarunum, og ein bólkur vísti sína ónøgd uttan fyri Figgjarmálaráðið. Sí innslag í Degi og Viku.

Bólturin liggur hjá Nærverkinum

Fri, 03 Feb 2012 10:39:12 Z

Borgarstjórin sigur tó, at setir Nærverkið búfólkini á gøtuna, ber til at víkja frá bíðilistanum á Suðuroyar Ellis- og Røktarheimi, so tey kunnu fáa pláss har. í løtuni eru búfólkini á Hamragarði í Vági, og har verða tey, til ein varandi loysn er funnin. Hoyr innslag í útvarpstíðindunum.

Alt Fiskimálaráðið hevur mist gegnið

Fri, 03 Feb 2012 09:53:24 Z

Løgmaður loysir ikki gegnistrupulleikan hjá Jákupi Mikkelsen við at siag, at hann einki hevur at finnast at embætisførsluni hjá landsstýrismanninum, sigur løgfrøðingurin. Hoyr innslag í útvarpstíðindunum.

Missa ávirkan á Landsbankan

Fri, 03 Feb 2012 09:42:37 Z

Nógv fakfeløg, arbeiðsgevarafeløg og onnur vinnufeløg hava mist møguleikan at velja fólk í umsjónarráðið hjá Landsbankanum.

Fyrr vóru fimm valnevndir, sum valdu fólk í umsjónarráðið. Í valnevndunum vóru hálvthundrað feløg. 11 fólk eru í umsjónarráðnum, sum varð valt í 2007, og situr til hálvan november í ár.

Nú hevur Fíggjarmálaráðið gjørt hetta valið nógv einfaldari.

Nýggja kunngerðin sigur, at seks feløg velja hvørt sítt fólk í umsjónarráðið. Feløgini eru Samtak, Yrkisfelagið hjá teimum, sum arbeiða í tryggingarvinnuni, fíggjarvinnuni, KT vinnuni og øðrum slíkum vinnum, Akademikarafelagið, Vinnuhúsið, Felagið Peningastovnar og Reiðarafelagið.

Felagið Peningastovnar velur alt fyri eitt fólk í umsjónarráðið hjá Landsbankanum. Men hálvan november í ár skal alt umsjónarráðið veljast av nýggjum eftir nýggju kunngerðini.

Varandi orka skal fáa stuðul

Fri, 03 Feb 2012 09:13:57 Z

Løgtingið hevur til viðgerðar eina lóg um jarðhitaskipanir, ið tryggjar brúkaran, tá skipanin skal útvegast og haldast við líka. Sí innslag í Degi og Viku

Ávaring var í lagi

Fri, 03 Feb 2012 08:13:36 Z

Grundgevingin fyri at geva einum lærara á vinnuháskúlanum ávaring var ikki nóg neyv, og skjøl vórðu ikki skrásett.

Men annars var tað í lagi, at ein lærari á Vinnuháskúlanum í 2006 fekk eina skrivliga ávaring fyri vantandi samstarvsvilja og partvíst fyri brot á loyalitetsskylduna móti arbeiðsplássinum, sigur Løgtingsins umboðsmaður.

Lærarin kærdi fyrst ávaringina til Vinnumálaráðið, sum staðfesti avgerðina.

Síðani kærdi lærarin til Løgtingsins umboðsmann.

Umboðsmaðurin hevur onga viðmerking um, at Vinnuháskúlin gav skrivligu ávaringina fyri brot á loyalitetsskylduna.

Umboðsmaðurin heldur tó ikki, at tað er í lagi, at Vinnuháskúlin ikki neyvt grundgav fyri, hví lærarin fekk ávaring fyri vantandi samstarvsvilja.

Men av tí at so long tíð er liðin, síðani ávaringin varð givin, valdi umboðsmaðurin ikki at gera meira við henda spurningin.

Tað er heldur ikki í lagi, at Vinnumálaráðið ikki skrásetti skjølini, sum lærarin gav Vinnumálaráðnum á einum fundi, sigur Løgtingsins umboðsmaður.

Endurskoða vallógina

Fri, 03 Feb 2012 08:07:38 Z

Á fundi í formansskapinum týsdagin varð samtykt, at løgtingsformaðurin tosar við flokkarnar um, hvørja støðu, teir nú hava til málið. Síðani verður málið tikið upp aftur í formansskapinum.

Formansskapurin hjá løgtinginum setti tann 17.august í 2010 fimm serkøn fólk at gera uppskot um nýggja vallóg. Tað varð gjørt sambært samtykt í løgtinginum 10.mai í 2010.

Afturat serfrøðingabólkinum er ein politiskur fylgibólkur.

Serfrøðingabólkurin hevði sín fyrsta fund 22.september í 2010, men hann er ikki liðugur enn.

Formaðurin í bólkinum, Petur Zachariassen, segði við Útvarpið í fjør summar, at bólkurin ger uppskot um eina heilt nýggja vallóg í staðin fyri at koma við uppskotum um at broyta galdandi lóg.

Bólkurin skal millum annað koma við uppskoti um, hvussu nógv valdømi eiga at vera í Føroyum.

Jógvan á Lakjuni, løgtingsformaður, sigur, at hann fekk eina frágreiðing frá serfrøðingabólkinum í desember í fjør.

Formansskapurin heldur, at tað er vert at kanna, hvat flokkarnir í løgtinginum halda um hetta málið nú.

Millum annað er politiski fylgibólkurin ikki fullmannaður longur eftir løgtingsvalið í oktober, sigur Jógvan á Lakjuni.

Deyðin - Klumman 03.02.12

Fri, 03 Feb 2012 07:54:15 Z

Klumman 03.02.12

Tónleikavika

Fri, 03 Feb 2012 07:34:44 Z

At spæla eitt ljóðføri krevur tol og ikki minst hug. Í eina viku havi eg viðgjørt eitt ljóðføri hvønn dag.

Morgunlestur fríggjadagur 3.februar 2012

Fri, 03 Feb 2012 07:20:30 Z

Hoyr lesturin her

Veðrið 02. feb.

Thu, 02 Feb 2012 21:02:03 Z

Farstøðin skal ikki svíða fyri dynamittinum

Thu, 02 Feb 2012 17:03:35 Z

Nýggja farstøðin skal ikki svíða fyri tað, at vøllurin kostar 15 milliónir meira, tí gamalt dynamitt skal burturbeinast.

Vága Floghavn vil hava pengarnar frá danska statinum, sum læt føroyingar yvirtaka flogvøllin við dynamittinum. Talan kann eisini verða um at fara eftir byggifelagnum E. Pihl og Søn, sum útbygdi flogvøllin síðst í sjeytiárunum.

Men fyri fyrst leggur Vága Floghavn pengarnar út, sigur nevndarforkvinnan, Kitty May Ellefsen, við Útvarpið.

Vinnumálaráðið, sum varðar av Vága Floghavn, hevur sett seg í samband við ríkismyndugleikarnir og latið teimum tilfar í málinum, og vónir eru um, at danska stjórnin fer at gjalda fyri at rudda ósprongda spreingievnið á flogvøllinum, sigur Kitty May Ellefsen.

Vága Floghavn og byggifelagið J. og K. Petersen hava gjørt sáttmála um, at byggifelagið beinir fyri dynamittinum. Alt arbeiðið skal vera liðugt 31.august.

Sjúkrahúsini skulu býta viðgerðir millum sín

Thu, 02 Feb 2012 16:36:03 Z

Nú skal greiði fáast á, hvørjar viðgerðir skulu vera á hvørjum av teimum trimum sjúkrahúsunum.

Karsten Hansen, landsstýrismaður í heilsumálum, upplýsti í tinginum í dag, at hann hevur sett ein arbeiðsbólk við umboðum fyri øll trý sjúkrahúsini at koma við einum tilmæli um, hvussu býtið av viðgerðunum skal vera, so tað slepst undan bíðilistum at sleppa í viðgerð.

Hetta verður fyrsta stigið í einum nýggum heilsupolitikki, og arbeiðsbólkurin skal eftir ætlan vera liðugur fyri 1. mars, segði Karsten Hansen.

Løgtingið viðgjørdi í dag eitt uppskot um verklagslóg at umbyggja og umvæla Klaksvíkar Sjúkrahús fyri tilsamans 15 milliónir krónur í trý ár, ella fimm milliónir um árið.

Meginparturin av virkseminum á Klaksvíkar Sjúkrahúsi er í hølunum, sum vórðu bygd í 1928 og 1959 og -60. Hølisumstøðurnar eru vánaligar, trongar og sera ótíðarhóskandi, sigur Helsumálaráðið.

Karsten Hansen sigur í viðmerkingunum til uppskotið, at hann í ár fer at arbeiða við eini heildarætlan fyri, hvat virksemi skal vera á teimum trimum sjúkrahúsunum, og tillagingarnar, sum verða gjørdar á Klaksvíkar Sjúkrahúsi, samsvara við hesa ætlan.

Uppskotið er beint í Fíggjarnevndina.

KÍF fekk ikki viðhald í kæruni um H71

Thu, 02 Feb 2012 16:17:57 Z

Tað verða H71 og Neistin sum spæla mannsfinaluna í steypakappingini hjá monnum. Aganevndin hjá Hondbóltssambandinum er í dag komin til ta niðurstøðu, at H71 ikki hevur brúkt ólógligan leikara í seinnu hálvfinaluni móti KÍF.

KÍF kærdi, tí felagið helt, at málverjin hjá H71, Hanus Christiansen, ikki var lógligur til at spæla seinnu hálvfinaluna.

Aganevndin gevur í sínum svari Hondbóltssambandinum eitt nevs. Í svarinum verður millum annað skrivað, at kappingarreglurnar hjá Hondbóltssambandinum eru als ikki nøktandi á fleiri økjum. Fleiri reglur stríða ímóti hvørjari aðrari, eins og ongar beinleiðis ásetingar eru um steypakappingina, skrivar Aganevndin.

Úrskurðurin hjá Aganevndini kann lesast her

Kenna seg tiknan av ræði

Thu, 02 Feb 2012 15:57:21 Z

Kirstin Strøm Bech, borgarstjóri í Vági, er misnøgd við avgerðina hjá Nærverkinum at loyva búfólkum av Tvøroyri at verða verandi fyribils á røktarheminum Hamragarði í Vági, uttan at spyrja kommunurnar, sum eiga røktarheimið, um ráð fyrst.

Kirstin Strøm Bech sigur við Útvarpið, at kommurnar kenna seg tiknar av ræði, og reglugerðin fyri heimið sigur, at aðrar kommunur bara kunnu keypa sær innivist á Hamragarði, um pláss eru til avlops.

Fimm búfólk í sambýlinum á Tvøroyri vórðu flutt á Hamragarð eftir ódnina 24 november, tá øll yvirtromin á sambýlinum fór. Býráðið á Tvøroyri síðani hevur gjørt av, at heimið verður ikki bygt uppaftur. Tvøroyrar kommuna rindar 190 krónur um dagin fyri hvørt búfólk.

Vágs kommuna hevur givið Almannamálaráðnum stundir at finna eina loysn. Kommunan hevur skotið upp, at búfólkini av Tvøroyri búgva aðrastaðni, men at tey sleppa at halda til á Hamragarði um dagin

Vit skulu dagliga ávirka kjakið í almenna rúminum

Thu, 02 Feb 2012 15:16:14 Z

Um vit lyfta í felag, kunnu vit koma langt, heldur nýggi tíðindaleiðarin, sum hevur sum mál, at tíðindadeildin næsta ár fær eina miðlaheiðursløn

Ruskbilar noyðast at koyra Leirvíkar bygd á tamb

Thu, 02 Feb 2012 15:15:53 Z

Tá vegarbeiðið í Leirvík er liðugt, verður ikki koyrandi frá Norðoyatunnlinum og inn á vegin til Hagaleiti, sum nú. Tað merkir, at hvør einasti ruskbilur úr Norðoyggjum má koyra alla Leirvíkar bygd á tamb.

Eysturkommuna hevur leingi ynskt sær, at sambandið millum tunnilsvegin, frá Norðoyatunlinum og vegin til Hagaleiti, verður varðveitt. Men kostnaðurin er ikki við í verklagslógini, og landsmyndugleikarnir vilja ikki gjalda tær 10-12 milliónir krónurnar, sum arbeiðið fer at dýrka.

Løgtingsins fíggjarnevnd viðger í løtuni eitt uppskot frá Innlendismálaráðnum um at heimila, at vegagerðin í Leirvík kann kosta 49 milliónir krónur, ella fimm milliónir krónur meira enn av fyrstan tíð mett. Men tá er framvegis einki beinleiðis vegasamband millum tunnilsvegin og Hagaleiti.

Meiri verður at frætta í Degi og Viku í kvøld.

Skúlabørn koyra uttan trygdarbelti í skúlabussum

Thu, 02 Feb 2012 14:51:54 Z

Samstundis sum bilførarar fáa klipp í kortið, um teir ikki eru í trygdarbelti, kunnu skúlabørn koyra við bussum uttan trygdarbelti. Luftbjølgurin kann vera ein følsk trygd.

1988, annar partur

Thu, 02 Feb 2012 14:37:37 Z

Í 1988 flytur Føroya Banki ein part av edv skipanini frá Elektron til danska veitaran BEC, Strandferðslan fær eina tyrlu afturat, og Kristiliga Fólkaflokkurin slýtur samgonguna, tí hann ikki vil vita av javnstøðulógini og verju av teimum samkyndu.

Prísurin á ferðing er drepandi fyri fólk og vinnu

Thu, 02 Feb 2012 14:26:34 Z

So hvørt undirsjóvartunnlarnir verða niðurgoldnir, lækkar gjaldið at koyra, men tað sama er ikki galdandi fyri strandfaraskipini, t+a tey eru niðurgildon. Tey, sum búgva á útoyggj, eru fyri stórum órættvísi, vísti Morguntingið á.

Framvegis ov nógvur smáfiskur uppií

Thu, 02 Feb 2012 14:21:01 Z

Fýra ísfiskatrolarar, tvey pør, hava nú mist fiskiloyvið í 10 dagar, tí teir høvdu ov nógvan smáfisk.

Fiskiveiðueftirlitið finnur framvegis nógvan smáfisk hjá partrolarunum.

Veiðan hjá tveimum trolarum, sum avreiddu upsa í Eysturoynni, varð kannað nú í vikuni. Trolararnir royndu í fýra dagar. Fyrsta dagin vóru stívliga 96 prosent av veiðuni hjá øðrum trolaranum smáfiskur, annan dagin 71 prosent, triðja dagin 75 prosent og fjórða dagin góð 21 prosent.

Skipini landðu 400.000 pund, og meira enn 70 prosent vóru smáfiskur. Loyvda hámarkið er 30 prosent. Miðallongdin á upsanum var 53 sentimetrar.

Ikki kann sigast, at skipararnir gjørdu tað stóra fyri at sleppa undan smáfiski, sigur Fiskiveiðieftirlitið. Tað staðfesti, at skipini royndu á somu slóð á Munkagrunninum, til Fiskiveiðieftirlitið stongdi økið.

Í síðstu viku mistu tveir trolarar í Suðuroynni fiskiloyvið í 10 dagar fyri at hava ov nógvan smáupsa.

Nú verður dynamittið ruddað

Thu, 02 Feb 2012 13:54:49 Z

Arbeiðið kostar 23 mió. kr., sum eru 15 mió. kr. netto, tí arbeiðið á lendinum, har sum gamla dynamittið er, hevði annars kostað átta milliónir. Kostnaðarmetingin hjá norska ráðgevarunum Sweco var annars 32 mió. kr. Hoyr samrøðu við Kitty May Ellefsen, forkvinnu í nevndini fyri Vága Floghavn, í útvarpsnevndini

Uppá hægsta fjall uttanfyri Himalaya

Thu, 02 Feb 2012 13:19:30 Z

Seint mikukvøldið, var stórfingin móttøka fyri Djóna Kunoy, tá hann kom aftur til Kunoyar. Saman við føroyingum, sum búgva í Danmark, hevur Djóni verið á Aconcagua", ið er hægsta fjall í Suðuramerika, og eisini hægsta fjall í heiminum uttanfyri Himalaya. Aconcagua er slakar 7.000 metrar høgt.

Fýra grannskoðarar missa løggildingina alt fyri eitt

Thu, 02 Feb 2012 13:12:37 Z

Fýra grannskoðarar missa løggildingina treytaleyst, og hjá hinum fimm er afturtøkan treytað.

Standa teir kravdu próvtøkuna innan eitt ár, varðveita teir løggildingina.

Jákup Eyðfinn Kjærbo, sum løgmaður setti sum fyribils stjóra á Skrásetingini at kanna, um løggildingin, sum Løgtingsins umboðsmaður segði var latin grannskoðarunum ólógliga, kann takast aftur, hevur tikið endaliga avgerð í málinum.

Hjá teimum fimm grannskoðarunum er afturtøkan treytað, tí ivasamt er, um tað ikki er brot á mannarættindasáttmálan at taka løggildingina alt fyri eitt. Hesi fimm hava arbeitt sum grannskoðararar alla tíðina, síðani tey fingu løggildingina í 2007.

Hini fýra hava annnaðhvørt als ikki brúkt løggildingina, ella bara brúkt hana í stutta tíð.

Sjey av teimum níggju grannskoðarunum kærdu alt fyri eitt avgerðina hjá fyribils setta stjóranum á Skrásetingini til Løgmansskrivstovuna.

Tónleikurin givið mær áhuga fyri psykologi

Thu, 02 Feb 2012 13:10:01 Z

Eingin ivi er um, at mest hjartanemandi og
viðkomandi framførslan, ið hugsast kann, er, tá ið solisturin er púra einsamallur á palli og einki annað lið er ímillum tónleikaran og áhoyraran. Eingi tól at krógva seg aftanfyri, einki hóvasták. Bert eitt menniskja, ið setir seg - ella stillar seg frammanfyri lurtaranum og spælir. Í Góðan Morgun Føroyar í morgun, vitjaðu Maria Olsen og Anna á Váli Smith.

Tónleikur eftir Tchaikovsky, Shostakovich og Rimsky-Korsakov

Thu, 02 Feb 2012 13:03:08 Z

Piotr Ilyitch Tchaikovsky (1840-1893): Symfoni nr. 1 g-moll, opus 13 (1866)

I Allegro tranquillo II Andante cantabile ma non tanto III Scherzo: Allegro scherzando giocoso

IV Finale: Andante lugubre-Allegro moderato-Allegro maestoso-Andante lugubre-Allegro vivo

Russian National Orchestra, Mikhail Pletnev (stj.)

Piotr Ilyich Tchaikovsky: 2 songløg úr opus 47

Um dagurin ræður (A. Aputchin), opus 47 nr. 6

Eg lovsyngi tykkum, skógir, dalar? (L. Tolstoj), opus 47 nr.5

Dmitri Hvorostovsky (bariton) og Mikhail Arkadiev (klaver)

Dmitri Shostakovich (1906-1975): Klaverkvintett g-moll, opus 57 (1940)

I Preludium II Fuga III Scherzo IV Intermezzo V Finale

Elisabeth Leonskaja (klaver) og Borodin kvartettin: Mikhail Kopelman og Andrei Abramenkov (violin), Dmitri Shebalin (viola) og Valentin Berlinsky (sello)

Dmitri Shostakovich: Preludium og fuga F-dur, opus 87 nr. 23 (1951)

Tatiana Nikolayeva (klaver)

Nikolai Rimsky-Korsakov (1844-1908): Capriccio Espagnol, opus 34

I Alborada: Vivo e strepitoso

II Variazioni: Andante con moto

III Alborada: Vivo e strepitoso

IV Scena e canto gitano: Allegretto

V Fandango asturiano

Göteborgs Symfoniker, Neeme Järvi (stj.)