MOLDVARP FØROYA - ein føroysk satira í seks pørtum

Moldvørpan er kanska blind, men hon er ikki býtt.

Treiskliga gravar hon seg gjøgnum ta myrku føroysku moldina, fyri at finna nøkur av teimum evnunum sum vit alt ov sjáldan síggja á skíggja.

Moldvørpan er eisini ein njósnari sum sníkir seg inn á stovnar og felagskapir, fyri at avdúka hvat veruliga gongur fyri seg handan stongdar dyr.

Moldvarpa er eisini ein lítil túgva av skarni, sum reyðmaðkurin leggur upp á jørðina um várið - tá er grøðiligt.

Við skeivum søgum og groteskum figurum snara vit tí politiska og persónliga veruleikanum, onkuntíð yvir í ta ekstrema, so føroyingar sleppa at meta um tey umstríddu evnini á einum heldur ørðvísi grundarlagi.

Skemtið opnar hjørtuni. Tá vit flenna, ikki bara at øðrum, men eisini at okkum sjálvum, so reinsa vit luftina.
Við hvørt er tað sum vit borðreiða við yvirhøvur einki stuttligt, og so fáa vit heldur hug at gráta og skeldast, - men tað reinsar eisini.

Stikk fingurin í jørðina og grópa í skarninum - tað er gott fyri gróðurin.

Slag av sending: Undirhald

Málbólkur: Vaksin við humoristiskum sansi

Sendilongd: 25 min.

Hugskot: Anfinnur Heinesen og Hans Pauli Torgarð