| 07.00 |
Tíðindi
|
| 07.05 |
Morgunlestur
|
| 07.15 |
Barnaútvarpið
|
| 07.30 |
Tíðindi
|
| 07.35 |
Góðan morgun Føroyar
|
|
| 17:25 | D&V við teknmálstulki | | 17:54 | Veðrið | | 18:00 | Klú! 1:8 | | 18:18 | Timmy tíð |
|
|
|
| |
Avgerandi dystir bæði í flogbólti og hondbólti
mikudagur, 03. februar 2010 14.10 - Ítróttur - Tórður Mikkelsen | | | Í kvøld eru avgerandi dystir í Eikliguni í flogbólti. Hjá kvinnum tekur oddaliðið SÍ ímóti Fleyr í Sørvági, og hjá monnum tekur oddaliðið Mjølnir ímóti Fleyr í Klaksvík. Í hondbólti hjá monnum er lykladystur í høllini á Hálsi í Havn millum Kyndil og H71 í Atlantic Airways kappingini. |  |
Áhugaverdasti dysturin í flogbólti í kvøld er kvinnudysturin í Sørvági millum SÍ og Fleyr. Sunnudagin tapti SÍ fyrsta dystin í hesum kappingarárinum móti TB í Trongisvági, og nú stigini eru farin í helt, er SÍ bara tvey stig frammanfyri nummar tvey, sum er TB. Fleyr liggur á fjórða plássi og er fýra stig aftanfyri oddaliðið.
TB-kvinnur hava frí hetta umfarið. Men Mjølnir, sum bara er eitt stig aftanfyri TB, tekur í kvøld ímóti ÍF í Klaksvík. Hjá kvinnum er veruligur spenningur komin í, hvørji tvey lið koma í finaluna um føroyameistaraskapin.
Hjá monnum bendir alt á, at tað verða Mjølnir og SÍ, sum koma í FM-finaluna. Ein dystur hjá monnum er í kvøld. Mjølnir tekur ímóti Fleyr í Klaksvík, og um havnarmenn ikki vinna í kvøld, so sær tað meira enn svart út hjá teimum at koma í finaluna. Mjølnir tapti sunnudagin í Sørvági, og tí er nú bara eitt stig á muni millum oddaliðini bæði.
Í hondbóltskappingini hjá monnum er áhugaverdur lykladystur í høllini á Hálsi millum Kyndil og H71. Hetta eru tey bæði liðini, sum í løtuni liggja nummar tvey og trý í sera spennandi kappingini. Liðið, sum vinnur í kvøld, kann geva sær sjálvum ein stóran fyrimun í kappingini.
Eikligan kvinnur:
Kl. 17.30 Mjølnir-ÍF
Kl. 19.00 SÍ-Fleyr
Kl. 19.00 Dráttur-KÍF
Støðan:
1. SÍ 11
2. TB 9
3. Mjølnir 8
4. Fleyr 7
5. Dráttur 5
6. ÍF 2
7. KÍF 0
Eikligan menn:
Kl. 19.30 Mjølnir-Fleyr
Støðan:
1. Mjølnir 13
2. SÍ 12
3. Fleyr 8
4. ÍF 0
Atlantic Airways kappingin:
19.00 Kyndil-H71
Støðan:
1. Neistin 22
2. H71 12
3. Kyndil 12
4. StÍF 11
5. KÍF 11
6. VÍF 10
|
|
 |
|
|
|
|
|
)
