- Tíðindi, mentan og ítróttur
Fekk heldur ikki viðhald í Landsrættinum
<div>Kári á Rógvi, fyrrverandi løgtingslimur, fekk ikki viðhald í Eystara Landsrætti um, at hann átti rætt til løn, meðan hann var í pápafarloyvi úr Løgtinginum. Eystari Landsrættur hevur staðfest dómin, ið varð sagdur í Føroya Rætti í august mánaði. Tá málið var fyri í Føroya Rætti, varð løgtingið frídømt.</div><div><br></div><div><b>Fekk einki lyfti</b></div><div><br></div><div>Kári á Rógvi fekk einki lyfti um løn í farloyvistíðini, segði rætturin. Og hann eigur heldur ikki at fáa løn fyri farloyvistíðina. Rætturin vísti til lógina um barsilsskipan. Sambært henni hava kvinnur serrættindi. Tær eiga einsamallar fyrstu 14 vikurnar, eftir at barnið er føtt. Kári á Rógvi var í farloyvi úr løgtinginum, áðrenn fyrstu 14 vikurnar vóru farnar. </div><div><br></div><div>Harafturat brúkar løgtingið reglurnar, sum eru galdandi á almenna arbeiðsmarknaðinum. Tær siga, at menn hava rætt til barsilsfarloyvi í ein mánað, men við ongari løn. Og tí segði Føroya rættur, at Kári á Rógvi átti ikki at fáa løn fyri tær fýra vikurnar, hann var í pápafarloyvi. </div><div><br></div><div>Kári á Rógvi skeyt beinan vegin málið inn fyri Landsrættin, sum nú hevur staðfest dómin í Føroya Rætti.</div><div><br></div>