Landsstýrið er farið undir eina heilsunýskipan, ið skal tryggja eitt munadygt heilsuverk í framtíðini, segði løgmaður.
- Vit skulu fara frá hugsanini um trý sjúkrahús og kommunulæknaskipan til hugsanina um eitt samanhangandi heilsuverk. Endamálið er at tryggja dygdargóðar heilsutænastur fyri øll, segði Kaj Leo Johannesen í løgmansrøðuni.
Ætlanin er, at kommunulæknar og aðrir fakbólkar skulu verða knýttir at heilsuhúsunum.
- Upplýsing og fyribyrging skal, eins og viðgerð, verða ein berandi partur av heilsutænastuni, og sjúklingurin skal takast meira við í viðgerðina, segði løgmaður.
