Á Karolinska Institutet í
Svøríki hevur Jonas Frisén, professari, staðið á odda fyri eini
granskingarætlan sum hevur roynt at finna út av meir um nervasellurnar á
nervalepanum í heilanum.
Útrokningarnar hjá
granskarunum vísir at vit framleiða ikki nýggjar nervasellur í hesum partinum
av heilanum aftaná at vit eru borin í heim.
Eg havi sjáldan uppliva
at gerast so skakkur av einum granskingarúrsliti, sigur Frisén á egnu
heimasíðuni hjá universitetinum.
Í nógv ár hildu
granskarar at nervasellurnar blivu mentar fram til føðing, og at man so ikki
fekk nýggjar sellur. Nýggjari gransking vísir at nervasellurnar halda fram við
at endurnýggja seg hjá nøkrum djórasløgum.
Granskingin hjá Frisén
vísir nú at mannaættin ikki fær nýggjar nervasellur á nervalepanum.
- Menniskja hevur ikki
líka nógv brúk fyri luktievninum fyri at yvirliva um vit samanbera okkum við
nógv djór. Kanska tað er orsøkin til at vit ikki hava evnini at menna nýggjar
nervasellur knýttar til evnini at lukta, sigur Frisén.
