- Tíðindi, mentan og ítróttur
Atlantsflog fær onga kapping í summar
<p>Eingin kapping verður á Føroya-rutuni í summar.</p><div><br></div><div>Hóast fleiri útlendsk flogfeløg hava víst áhuga at flúgva í Vágar, so er eingin fráboðan komin um, at tey ætla at flúgva í summar, sigur Jákup Sverri Kass, stjóri í Vága Floghavn.</div><div><br></div><div>Hann sigur, at tað er longda flogbreytin, sum hevur fingið fleiri flogfeløg at sýna áhuga fyri Vágum. Summi flogfeløg ætla at kappast á rutum, sum eru kendar í dag, meðan onnur feløg hava nevnt møguleikan at stovna nýggjar rutur.</div><div><br></div><div>Jákup Sverri Kass vil ikki avdúka, hvørji flogfeløg hava víst Vága Floghavn áhuga. Tað mugu flogfeløgini sjálvi gera, sigur hann.</div><div><br></div><div>Men tað er kunnugt, at norska lágprísfelagið Norwegian er millum útlendsku flogfeløgini, sum leiðslan í Vága Floghavn hevur havt samráðingar við.</div><div><br></div><div><b>Meiri verður at frætta í útvarpstíðindunum.</b></div><div><br></div>