Fótbóltssamband Føroya hevur aðalfund klokkan 13 í dag.
Á borðinum liggur millum annað eitt uppskot um at herða krøvini til lønarviðurskifti millum feløg og leikara.
- Nú skulu feløgini tvær ferðir árliga lata inn váttanir frá Taks, sum vísa, at tey ikki hava lønareftirstøður, sigur Christian Andreasen, forseti í FSF.
Fylgja feløgini ikki reglurnar, kunnu tey missa trý stig.
Verður uppskotið samtykt á aðalfundinum seinni í dag, koma herdu reglarnar í gildi næsta kappingarár.
