Nýggjasta kanningin er gjørd á Tel Aviv University og kunngjørd í International Journal of Audiology. Kanningin umfataði 300 ungdómar í aldrinum 13 til 17 ár, og niðurstøðan er greið. Hon sigur, at hvør fjórði teirra er í vanda fyri at fáa oyrnaskaða í 30 ? 40 árs aldrinum, sum fylgja av skeivum lurtivanum.

Hesin veruleiki kann hava bæði persónligar, sosialar, og samfelagsligar avleiðingar við sær. Í Føroyum hava vit Felagið Fyri Hoyribrekað, og vit hitta skrivaran og talsmannin fyri felagið, Jákup Danielsen, til eitt prát um hetta evni og vandamál: Eisini fýrverk og byrsuskot kunna skaða hoyrnina. Ljóðið frá teimum eru langt omanfyri tilmælda markvirði.