Tað eru politisku flokkarnir, sum hava ábyrd av valplakatunum, teir hanga upp. Men í nógva vindinum í nátt var tað tó trupult hjá fleiri teirra at halda stýr á sínum valagni.

Serliga við Kollafjarðar tunnilin var nógvur vindur, og har blivu tveir bilar raktir av flúgvandi plakatum.

Á politistøðini í Havn siga tey, at talan var bert um smávegis skaðar á bilarnar, og tískil gjørdu tey ikki meir við málið, tí tey skiltu, at leysu plakatirnar vóru tiknar upp.

Eisini á Tvøroyri fekk løgreglan fráboðanir um plakatir, sum vóru farnar á flog.