Hendan spurningin hava vit á alnótsredaktiónini á KvF sett tykkum seinasta dagarnar. Yvir 300 fólk hava í skrivandi løtu givið sítt boð, og sambært teimum er lítið at ivast í, at løgmaður, Kaj Leo H. Johannesen, er stóri favoritturin at fáa flestar atkvøður í kvøld.
Meir enn helvtin av øllum teimum, sum hava givið sítt boð til KvF, halda, at Kaj Leo H. Johannesen fer at fáa flestar atkvøður. Hetta samsvarar eisini væl við úrslitið av kanningini hjá Fynd, sum KvF kunngjørdi í gjár, har Kaj Leo H. Johannesen eisini fekk best undirtøku millum fólk sum løgmaður.
Tann, ið næstflest meta, fær flest atkvøður, er Høgni Hoydal. Triðflest atkvøður frá KvF brúkarunum fær Annika Olsen.
Tú kanst geva títt boð uppá, hvør fær flestar atkvøður, og verða við í lutakastinum um ein vinning við at geva títt boð
her.