Tað siðbundna floksbýtið, við fýra stórum flokkum og einum ella fleiri smáum, hómast aftur í seinastu veljarakanningunum, sum hava verið gjørdar.

Tað heldur Jógvan Mørkøre, samfelagsfrøðingur.

Fólkaflokkurin, Sambandsflokkurin, Javnaðarflokkurin og Tjóðveldi fara at mynstra við millum einum fimtingi og einum fjórðingi av atkvøðunum í part, heldur samfelagsfrøðingurin, sum ikki trýr uppá at nakar av flokkunum fær ein stórsigur.