- Um vit samanbera við aðrar kanningar, so síggja vit at í summum kanningum fekk Sambandsflokkurin yvir 30 prosent av atkvøðunum, meðan Javnaðarflokkurin lá niðanfyri 15 prosent. Nú byrjar hetta gloppið at minka, so tað fer at líkjast tí frá seinasta vali, sigur Jógvan Mørkøre við útvarpið.

Sambært Jógvani Mørkøre er ein frágreiðing til hetta, at teir flokkarnir, sum hava havt ringar veljarakanningar, hava átt ein stóran part av teimum veljarunum, sum hava sagt, at teir ikki vita, hvønn tey velja, og soleiðis revsa sín flokk, og so tá valið nærkast, so minkar hesin parturin, og tað byrjar at líkjast úrslitinum frá seinasta vali.

Hann greiðir somuleiðis frá, at í kanningini sæst, at tað serliga eru Tjóðveldi og Fólkaflokkurin sum minka, og at tað sæst, at Framsókn fær ein stóran part av hesum atkvøðum sum ein nýggjur flokkur.